Alatau City-де K-Park жобасының алғашқы тасы қаланды

Салтанатты рәсімде құттықтау сөз сөйлегендер:

-        Қазақстандағы корейлер қауымдастығының төрағасы Юрий Цхай;

-        Алматы облысының әкімі Марат Сұлтанғазиев;

-        Қазақстан халқы Ассамблеясы Төрағасының орынбасары Марат Әзілханов

-        Корея Республикасы Елшілігінің Алматыдағы Бас консулы Ха Тэ Ук

-        Қазақстан Республикасы Парламенті Мәжілісінің Депутаты Вера Ким

-        Шетелдік корейлер істері жөніндегі агенттіктің Департаменті директорының орынбасары Квак Самджу

-        Алматы облысы Ардагерлер кеңесінің төрағасы Ерболат Тұрымбетов

-        «Be Woman Asia» негізін қалаушы Жанна Кан

K-PARK – тарих және заманауи өмір табиғатпен үйлесім тапқан кеңістік ретінде ойластырылған.

Бұл орын жайдан жай таңдалған жоқ. K-PARK Golden District – білім, денсаулық сақтау, мәдениет пен креатив индустриялар шоғырланған ауданның жүрегінде орналасады. Концепция табиғатпен үйлесім идеясына негізделген: сәулет өнері ландшафтпен «ұштасып», дала төрінде оазис әсерін қалыптастырады.

Көгалдандырудың жалпы аумағы 40 мың шаршы метрге жетеді – бұл Алматы облысындағы барлық саябақтардың қазіргі аумағының шамамен 20%-ына тең.

K-PARK мына нысандарды біріктіреді:

• алғыс монументі, арт-нысандар, этномәдени аймақтар мен мұражайы бар тақырыптық парк;

• Қазақстан корейлері қауымдастығының кеңсесі, конференц-зал, кітапхана және көрме залдары орналасатын мәдени-бизнес орталық;

• 5 000 орындық амфитеатрды, визит-орталықты, спорт және балалар алаңдарын, кафе мен интерактивті ЖИ-мұражайды қамтитын ойын-сауық инфрақұрылымы.

Жоба Қазақстан корейлері қауымдастығының бастамасымен қолға алынып, 2027 жылы аталып өтетін корейлердің Қазақстанда қоныстанғанына 90 жыл толуына орай ұйымдастырылуда. Авторлар қазақтар мен корейлерді терең тарихи-мәдени тамырлар байланыстыратынын ерекше атап өтеді. Қазақ халқының қонақжайлылығы мен рухани жомарттығының арқасында корейлер өздерінің бірегейлігін сақтай отырып, Қазақстан қоғамының ажырамас бөлігіне айналды.

K-PARK Алатау Ситидегі жаңа тартымды орынға, қоғамдық және бизнес бастамалар кеңістігі болады деп күтілуде. Бұл жоба тарих пен мәдениет дамуының қозғаушы күшіне айналатынының айқын үлгісі.