Alatau City-ге инвестициялар: Astana International Forum 2025 аясындағы ашық диалог
Баспасөз хабарламасы
2025 жылғы 29 мамырда Astana International Forum аясында «Alatau City: The Future is Now» атты панельдік сессия өтеді. Сессияда заманауи қалалық кеңістік ретіндегі Alatau City жобасының әлеуеті және Proptech, LAE және UAM салаларындағы озық технологиялар қарастырылады.
Іс-шара ашық пікірталас форматында өтеді: спикерлер сөз сөйлеп, аудиторияның сұрақтарына жауап береді. Шара тілі – ағылшын, қазақ және орыс тілдеріне ілеспе аударма қамтамасыз етіледі.
Панельдік сессияға инвестициялық қауымдастықтың, девелоперлік компаниялардың, урбанистика саласындағы сарапшылардың, Қазақстан Республикасы мемлекеттік органдарының және халықаралық қалалық даму мамандарының өкілдері қатысады.
Панельдік сессияның спикерлері:
Asia Infrastructure Solutions Singapore компаниясының төрағасы, Alatau City жобасының бас кеңесшісі (Сингапур)
Серіктес, цифрлық трансформация бағытының жетекшісі (KPMG Korea); Partner, Leading Digital Public (KPMG Korea)
Joby Aviation компаниясының корпоративтік даму директоры (АҚШ)
Қазақстан Республикасының цифрлық даму, инновациялар және аэроғарыш өнеркәсібі министрі
Талқыланатын негізгі тақырыптар
«Alatau City: The Future is Now» панельдік сессиясы Astana International Forum қатысушыларына Alatau City жобасының іске асырылу барысы туралы өзекті ақпарат алуға, оның дамуының басты аспектілерін талқылауға және іскерлік байланыстар орнатуға мүмкіндік береді.
Alatau City дамуының құқықтық негіздері және халықаралық модельдері
«Ақылды» қала құрудағы Proptech технологияларын енгізу
Қалалық инфрақұрылымға ұшқышсыз басқарылатын технологиялар (UAM және дрондар) интеграциясы
Қазақстандағы төмен биіктіктегі авиация (LAE) экономикасын дамыту
Alatau City-дің қаржылық экожүйесін қалыптастыру және оның экономикалық өсімді ынталандырудағы рөлі
Alatau City-дің инвестициялық мүмкіндіктері және жаһандық капиталды тарту стратегиялары
Іс-шара туралы ақпарат
2025 жылғы 29 мамыр
16:00–17:00 (1 сағат)
Burabay Hall, Congress Centre, Гейдар Әлиев көшесі, 12, Астана, Қазақстан
БАҚ үшін алдын ала аккредитация қажет. 2025 жылғы 17 мамырға дейін онлайн нысанды толтырыңыз.